Apartament 2+1 në shitje në White Hill Residence

Përshkrimi i pronës

White Hill Residence është rezidenca më e re luksoze në qytetin e Durrësit, në zonën e “Currilave”, me standardet më të fundit të ndërtimit dhe unike në llojin e saj, me një pamje panoramike dhe vetëm 50 metra nga deti.

Rezidenca është një inkorporim i hotelerisë dhe rezidencës së banimit dhe është organizuar në 4 godina, ku 3 janë godina banimi (me 3 apartamente për kat) dhe 1 është hotel. Godinat janë 6-katëshe me 2 kate parkim nëntokë.

Ofron shumëllojshmëri shërbimesh dhe facilitetesh dhe ka një cilësi të lartë të ndërtimit, ku vlen të përmendet sistemi kapot i fasadës, arkitekturë moderne, ndarje të apartamenteve me dopjo tullë dhe lesh guri, ashensor, kamera sigurie dhe roje private, kopshtar për hapësirat e gjelbëruara të rezidencës si dhe sanitare në çdo njësi.

Apartament në shitje 2+1 me sipërfaqe ndërtimi 121.92 m2 neto (138.01 m2 bruto), në katin e 3-të, me orientimin lindje-perëndim. Organizohet nga ambienti i ndenjes + kuzhinë + ngrënie, dhomë matrimoniale me tualet, dhomë gjumi, tualet si dhe një verandë panoramike. Pamje shumë e bukur nga deti dhe nga pishina e kompleksit.

Bashkë me apartamentin shitet dhe një parkim me çmim 20.000 Euro në katin -2.
Çmimi Apartament + Parkim = 305.000 Euro
Me kontratë sipërmarrje.